Во оваа серија гостински објави на Нина Манова, лиценциран инструктор по пилатес, се запознаваме со убавините на пилатес методата на вежбање и осознаваме како таа влијае на целокупната физичка и ментална добросостојба на телото. Покрај тоа, издвојуваме спортска опрема за вежбање пилатес, вклучувајќи топки, подлоги, ленти за истегнување, хеланки и други производи кои можеш да си ги нарачаш онлајн кај нас.
И сега, стигнуваме до најдобриот дел – со купување на кој било од препорачаните производи, добиваш ПИЛАТЕС ВИДЕО со Нина на ПОДАРОК.
За Нина
Нина Манова е родена и израсната во Скопје. Скоро десетина години живее и работи во САД.
Нина е лиценциран инструктор по пилатес во САД со лиценца од две пилатес школи. Основниот, средниот и напредниот Mat Pilates го има завршено во Core Pilates NYC, а Comprehensive Teacher Training програмата во Harmony Pilates Studio во Питсбург.
Сертификатот од Core Pilates NYC се базира на класичниот пилатес метод трениран и пренесен од самиот Џосеф Пилатес, кој е творец на оваа метода. Таа е трета генерација на студенти која имала можност и среќа да го учи овој метод од корените на творецот.
Со овие два сертификати, Нина има севкупна пилатес лиценца да работи професионално и во студио на подлога, како и на пилатес машини.
Во своите млади години, Нина се има професионално занимавано со кошарка, во Македонија и во САД.
Во Македонија, покрај редовниот клуб (МЗТ-Вигор Скопје), таа има играно и за Репрезентација на Македонија за женска кошарка.
Како и многу спортисти, така и таа, својата пасија за здравиот пристап кон животот го продолжува со прекрасната метода на пилатес.
Во САД, Нина покрај тоа што работи со приватни клиенти од секоја возраст, во корпоративни објекти и болници, повеќето од работното искуство до сега го има стекнато во две реномирани пилатес студија во Њујорк, „Equinox“ и „Ashley De Lion Pilates“.
Што е пилатес?
Пилатесот е метода на физички и умствени вежби кои вклучуваат истегнување и зајакнување на телото, како и правилно дишење. Оваа метода се фокусира пред сè на зајакнување на стомачната мускулатура, осносно нашето торзо или центарот на телото.
Во пилатесот се користат контролирани движења во форма на вежби на подлога или вежби на пилатес машини како што се Reformer, Cadillac, Wunda Chair, Spine Corrector и Ladder Barrel, за тонирање, зајакнување и истегнување на целото тело.
Пилатес методата го носи името на Џосеф Пилатес, кој е творецот на вежбите и машините за пилатес. Првенствено, тој ја нарекувал оваа метода „Уметноста на контролата“ или „The Art of Contrology“.
Пилатесот драматично го трансформира изгледот на нашето тело, влијае на тоа како се чуствуваме и го менува начинот на кој ги изведуваме секојдневните активности, односно директно влијае на целокупната става. Методата гради сила во нашето тело без надувување на мускулната маса, создавајќи виток, тониран изглед со тенки бутови и рамен стомак.
Купувај опрема за пилатес и добиј пилатес видео на подарок
Убавата спортска опрема и хеланки ќе ти ја дадат потребната мотивација да почнеш да вежбаш дома, а пилатес видеото со Нина кое ќе го добиеш на подарок ќе ти биде одличен сојузник за ефектна сесија која ќе го зајакне твоето тело и ќе ти помогне да се чувствуваш предобро!
